Татарча котлаулар
Китап бүләккә
Татар чәйләре';

Поздравления с 15 летием на татарском языке

15 яшь белән котлау

Котлы булсын 15 яшең,

Бик матур һәм җаваплы чор.

Син инде яшүсмер бала,

Сынауга әзер булып тор.

 

Яшьлек дигән гүзәл чакның

Тиздән ачарсың капкасын.

Алда төрле-төрле юллар,

Хәтәрдән Алла сакласын.

 

Бер күрүгә бәя бир син,

Кайсы яхшы, кайсы яман.

Ялгышма, бик каршылыклы,

Дустым, син яшәгән заман.

 

Белем алу – җиңел түгел,

Әмма бик тә мөһим эш ул.

Ныклы белем һәм тырышлык,

Дәрәҗәгә менәр юл шул.

 

Әтиеңә, әниеңә,

Өй эшендә ярдәмче бул.

Яшьтән өйрәнгән һөнәрне,

Гомер буе онытмас кул.

 

Дусны сайлаган чакта да,

Ялгышма син, ныклап уйла.

Таныш-белеш күп булса да,

Якын дус ул тик бер була.

 

15 яшең котлы булсын,

Чын күңелдән теләк телик.

Алдагы туган көнгә дә,

Бүгенгедәй теләп килик.

***

Хыялларың күктә очкан,

Ай, кояш, йолдызлар кочкан

Вакытың синең, сеңлем.

Бәхетләргә тулып торсын,

Котлы һәм мөбарәк булсын

15 яшь тулган көнең.

 

Язгы кояшка сыенган,

Чәчәк атарга җыенган,

Бөресе – син гөлләрнең.

Гомер язың гүзәл булсын,

Һәрчак сине сыйпап торсын,

Назы җылы җилләрнең.

 

Балачак белән хушлашып,

Үсмер чорга аяк баскан –

15 яшь көн дә тулмый.

Еллар үткәч эзләсәк тә,

Алларына тезләнсәк тә,

Кире кайтарып булмый.

 

Кадерләрен белеп кенә,

Сөеп һәм сөелеп кенә,

Яшә, бәхетле чагың.

Саулык-сәламәтлек телим,

Көтелмәгән зур уңышлар,

Һәм саф мәхәббәт тагын.

 

Гомереңнең бигрәк матур чагы,
15 яшь – бит әле бары гомер башы.
Ирешерсең максат-теләгеңә,
Яннарыңда булса юлдашың.

 

Безнең төймәләр
Дешевый хостинг

Мастер фото | .

© 2018-2019.Сайтта кулланылган язмалар, ачык интернет челтәреннән җыелган. Әгәр сезнең язмага авторлык хокукы бар һәм сез аны безнең сайтта булуына каршысыз ягъни бүтән тәкъдимнәрегез булса, "безнең белән элемтә" төймәсе аша хәбәр итүегезне сорыйбыз.