Татарча котлаулар
“Табын җырлары” китабы бүләккә
Табын ашлары рецептлары
Аш су рецептлары

Әти-әнинеӘтинеӘнинеӘби-бабайныТуганнарныАбыйныАпаныЭненкәшнеСеңелкәшнеБалаларныСөеклеләрнеДусларны

Туган көн белән ир атка

Туган көн ул хисләреңнең
Тулган, ташыган чагы.
Йөрәк ялкыннары гөрләп,
Сүнмичә янар чагы.

Язлар кебек шаулап-ташып,
Ал гөлләргә күмелеп,
Безнең теләк — гөлләр белән
Яшик бергә үрелеп.

Зәңгәр күкнең кояшы син,
Балкып тормыш күгендә,
Дуслар бүген тели сиңа
Йөз яшь гомер кимендә.

Котлап сине туган көнеңдә
Алтын кояш сибә нурларын.
Кояш балкыган язгы иртәдәй,
Якты булсын, якты булсын
Тормыш юлларың.

Яшьлегебез матур булганга,
Матур җырлар килә күңелгә.
Мактап яшьлекнең матур таңнарын
Җырла, дускай, җырла, дускай,
Туган көнеңдә.

Шаулап-гөрләп сүнмәс дәрт белән
Шат җыр булып яшә син җирдә.
Туган көнеңдә тагын бер теләк:
Мәңге яшь бул, мәңге яшь бул,
Картайма бер дә.

Күңелләргә шатлык өстәп
Туган көн килә.
Олы бәйрәм куанычы
Тула һәр өйгә.

Мул табынга җыелышкан
Дуслар, туганнар.
Һәр кешенең күңелендә
Әйтер сүзе бар.

Бәхет кенә алып килсен
Һәрбер туган көн.
Алда көтсен бар кешене
Яңа туар көн.

Син бит миңа якты кояш кебек,
Син бит миңа бердән бер генә.
Тиң булырлык ниләр бирим икән,
Бүләк итеп туган көнеңә?!

Нинди генә бүләк эзләсәм дә
Табалмамдыр сиңа тиңен мин.
Син бит үзең бүләк шикеллесең,
Бизәге син һәрбер көнемнең.

Яннарымда син булганга гына
Җаннарымда язлар уяна.
Мин булмасам, бәлки, бу дөньяда
Нидер җитмәс иде сиңа да.

Бер беребезгә бүләк булыйк әле,
Бүләк булыйк гомер юлында.
Без булмасак, бәлки, бу тиклем үк
Гүзәл булмас иде бу дөнья.

Кышлар үтеп китә
Җылы язлар җитә
Алыштыра төнне иртәләр
Көн саен көн туа
Гомер шулай уза
Кеше гомере бик тиз үтә лә
Туган көнең белән
Тәбрик итәм сине
Бераз моңсу, күбрәк сөенеч
Ходай тарафыннан
Шулай яратылган
Кабул итеп алыйк шул килеш

Саклыйбыз хәтердә
Авылның кичләрен
Яшьлекнең онтылмас хисләрен
Күп еллар узса да
Әле генә сыман
Тәүге тапкыр сине үпкәнем
Туган көнең белән
Тәбрик итәм сине
Бераз моңсу, күбрәк сөенеч
Бездән генә тормый
Гомер уза шулай
Кабул итеп алыйк шул килеш

Безнең эзләр калган
Яшьлек урамнарын
Җитәкләшеп үтик тагын бер
Үпкәләмик әле
Үтеп киткәннәргә
Барбер кире кайтмас ул гомер
Туган көнең белән
Тәбрик итәм сине
Бераз моңсу, күбрәк сөенеч
Бездән генә тормый
Һәркемнең үз гомре
Кабул итеп алыйк шул килеш

Туган көн килә елгә бер тапкыр,
Тәбрик итәргә син мине чакыр.
Йөрәгем — чәчәк, сиңа дип атыр,
Сөю тулы наз — мәхәббәт кайтыр.

Туган көн төне хыял төнедер,
Уйлыйсың, беләм, янып кемнедер
Үткәнгә кайтсам — хәтер яңара.
Көтәсең бугай… Бәлки, минедер…

Күлмәгең кисәң матур ак бүздән,
Аккош буласың күлләрдә йөзгән.
Ак җилкән итеп хыял канатын,
Килеп җитәрдер туган көн тиздән.

Нигә икән назланышып,
Елмая һәр бер гөлем.
Гөлләр нигә елмаймасын,
Синең туган көн бүген,
Синең туган көн бүген.

Нигә икән барча кошлар,
Әй җырлый шатлык көен.
Кошлар нигә шатланмасын,
Синең туган көн бүген,
Синең туган көн бүген.

Нигә икән шул тиклем дә,
Нурлана күңел күгең.
Күңел нигә нурланмасын,
Синең туган көн бүген,
Синең туган көн бүген.

Ходай саулык бирсен сиңа,
Җаныңда кояш булсын.
Барлык гомерен буена,
Бәхетең юллдаш булсын.

Бәйрәмнәрнең иң матуры
Синең туган көн икән.
Куанычлар алып килгән,
Безне бәхетле иткән.

Котлы булсын туган көнең,
Җырларыбыз бүләккә.
Ак теләкләр яусын әле
Бүген синең хөрмәткә.

Килгән дуслар, туганнарың,
Табының түре ямьле.
Уйнап-көлеп бәйрәм итик,
Бер күңел ачыйк әле.

Туган көнең, туган көнең,
Кояш кебек күңелең.
Бәхет-шатлык тоеп яшә,
Озын булсын гомерең.

Бер карында ятып, сулыш алып,
Бу дөнъяга аваз биргәнбез.
Балачактан бергә үскәнбез дә,
Кайгы-шатлыкларны бүлгәнбез.

Кайгырма әле гомер уза диеп,
Без бергә бит, шунсы мөһимдер.
Туган җанлы булмаганнар гына,
Туган кәдерләрен белмидер.

Шушы көндә, синең туган көндә
Йортыбызга шатлык кергәндер.
Балам туды диеп, әткәй ул көн (бүген),
Атлап түгел, йөгереп йөргәндер.

Pages: 1 2 3 4 5 6 7 8 9 10 11 12 13 14 15 16 17 18 19 20 21 22

Безнең төймәләр
Дешевый хостинг

Сайтның дуслары

Здоровый образ жизни | .

© 2018-2021.Сайтта кулланылган язмалар, ачык интернет челтәреннән җыелган. Әгәр сезнең язмага авторлык хокукы бар һәм сез аны безнең сайтта булуына каршысыз ягъни бүтән тәкъдимнәрегез булса, "безнең белән элемтә" төймәсе аша хәбәр итүегезне сорыйбыз.